پێ یەرە هەسێرەکەو ئاسمانوو پاریسی …

پێ یەرە هەسێرەکەو ئاسمانوو پاریسی …

بەرزەڵەنگ دەربەن ..
: پێ یەرە هەسێرەکەو ئاسمانوو پاریسی
ئا روە پاریس سەر وەش بێ ..
ئا روە شار وتەبێ ..
تۆ واچە کێ ئاسمانش پۆژنابێرە ؟
تۆ واچە کێ مانگەش کۆشنێبێوە ؟
تا کۆڵان و کوجیەو شارەکەی بێ دەنگ کەرۆ
تا وەشی و خوەو مێمانەکا پێ وەش بەرۆ ..
ئا روە پاسەوانێ دیارش نەبێ
پێ پاسەوانی گۆڵا شاری ..
شارەوانێ دەنگش نەبێ
پێ بێ دەنگی شاری ..
هەر چی تۆ واچینی کەس گۆشش چەنە نەبێ
هەر چی تۆ نیشانەش دینی کەس نەوینێش .
….
جە پایتەختوو ئاخێزوو جیهانی
ئاخێز و شەنیەرەکێش کپێ کریە
تۆ واچێ رۆحوو مانگێ و شنەو وایۆ و رووناکی ئاسمانی
کپێ کریا ؟
هێشتا دێوەزمەو مەرگی رەوەش نەکەردێ بێ روەو ژیوای
ئاسمانوو پاریسی یەرێ هەسێرێ پەڕ جە رووناکیش چەنە بەر کەوتێ ..
سەروەشی شاری پڕا ..
شارەوانوو شاری کڕێڵوو شاریش چەنە بریا ..
کوجیە بێ دەنگەکێ پەڕ بییە جە دەنگوو

میترا و ئاناهیتاو زیڵانەکا

 هەرچی  پیاو شاری بێ چڵاکیارە پسۆ وەنا

چا روۆ شار بییەو بە شاروو ژەنا  

هەر چی ویەردەو پاریسی بێ وێش کەردە بە فەرشێ

لووڵ کریا پێ وەروو قاچوو ژەنا
…..
دێوەزمەو مەرگی پێ گیانی ئۆماو ،

وێش گیانش دا
دێوەزمەو مەرگی پێ ژیوای ئۆماو ،

ژیوایش بڕیا
هێشتا وەرەتاو بەر نەکەوتەبێ ..
مانگە و هەسێرێ ئاسمانشا رووناک کەرد
خۆلکوو پاریسی گرد خزێە یانا
ئەویندارا ، یەرە هەسێرەکەی بێیە مێمانوو شارا
شار بی بە شاروو هەسێرەکا
بی بە شاروو لەیلا و ، سەکینەو فیدانەکا
چا روۆ دەموو چەموو شارەوانی بەرکەوت
نە شار بیەو بە شار 

پاسەوانیچ بەرکەوت دێوێن ڵاسار …

ئاریچ پێ وێش مەرذەزمەن  

هەر چی ویەرذە شاری بێ

بی بە قەباڵە و لوا دماوە

چاروۆ ویەرذو ئاخێز و شاری

گۆمانەش سەر کەراوە 

چاروەوە پێ راسی ژیوای

چەمش پۆرە گێڵاوە ..