کەنەکە : ئێسال کۆنگرەو نەتەوەیی کوردستانی بەسمێ .

کەنەکە : ئێسال کۆنگرەو نەتەوەیی کوردستانی بەسمێ .

هام سەرۆکوو کۆنگرەو نەتەوەیی کوردستانی دکتور رێبوار رەشید جە دما دیمانەو وێش باس و بەستەو کۆنگرەو نەتەوەیی کوردستانی جە سالەو ٢٠١٨ ئاشکرا کەرد . هام سەرۆکوو کەنەکەی سالەو ٢٠١٧ یش بە سالەو چالاکیەکا کەنەکەی پی راوێژ کەردەی سەروو گردوو پارچەکا نامێ بەرد . بە جۆرێ کە جە ئەرووپا و پانیشت و کوردستانی هەنگامێ خاسێ پێ نزیک بییەیۆ لایانەکا هۆرگیریر . رێبوار رەشید هەر پاسە یاوناش کە ئالووگۆریەکا جە وەرکەوتوو دلێراسەینە بە خێرایی واڕیا .

بە تایبەت سەروو بابەتوو پانیشت و کوردستانی جە روەکا ٢٧ و ٢٨ مانگەو یەک و ٢٠١٨ کۆنفرانسێ پێ نزیک کەردەیۆ لایانەکا پانیشتی بەسیۆ ، هەر پاسە بەرنامەمانە هەن کە جە ٢٠١٨ چن سمینارێ و کۆنفرانسێ ریک وزمێ پێ ئامادەکاری کۆنگرەی نەتەوەیی . دماجار نەشاراشۆ ، کە چن سالێن کەنەکە بەردەواما پێ بەستەو کۆنگرێوە کە لایق و کوردا بۆ . بە جۆرێ کە جە وەختێ نادیار جە سالەو ٢٠١٨ گردوو هازەو وێما وزمێ گەر کە کۆنگرەی نەتەوەیی بەسمێ . هیواما ئانەن کە کوردا هەر چوار پارچەی بە گردوو جیاوازیەکاشاوە بە دلێ گەورە تاوا جە چوارچێوەو کۆنفدراسیۆنێ پێوەرە هەرمانە کەرا .