یەرەکە : یەرێ گریڵێما بە بۆنەو بۆمبە وارانیوە گیانشا جە دەسدان .

یەرەکە : یەرێ گریڵێما بە بۆنەو بۆمبە وارانیوە گیانشا جە دەسدان .

بە پاو خەبەرێ کە جە لاو یەکینەکا رۆژهەڵات و کوردستانی ( یەرەکەوە ) وەلا بیەنۆ ، رۆ دوەشەممە ٢٧-١١-٢٠١٧ وەرانوەر بە دەس پەنەکەردەو ٤٠ هۆمین سالرۆ دەسپەنە کەردەو خەباتوو پارتوو کاریگەرا کوردستانی ( پ ک ک ) بە بۆنەو بۆمبە وارانوو هەواپەیماکا تورکیەی و ئێرانی جە هەرێموو ئاسۆسی سەر بە ماوەتێ ، یەرێ جە گریلاکاشا گیانشا بەختکەریان .

یەرەکە جە درێژەو پەیامەکەیشەنە یاونانش کە جە دماو پرۆسەو ڕفراندۆموو پانیشتوو کوردستانی ، نزیکایەتی رژیمەکا ئێرانی و تورکیەی پێ هێرشکەردی سەروو گریلاکاشا کوتەن قۆناخێ تەر ، بە جۆرێ کە جە ماوەو مانگی ویەردە ، زیاتەر جە چن جارا هەرێموو ئاسۆسی بە شێوەی هام بەش جە لاو هێزە ئاسمانیەکا ئێرانی و تورکیەی بۆمبەواران کریان . کە بە داخەوە جە ٢٧ -١١-٢٠١٧ یەرێ هەڤالێما یاوێ کاروانوو گیانسەردەسا را ئازادی و یەکسانی گەل و وەڵاتی .

یەرەکە شناسنامەو یەرە گریلاکەی پی جۆرە دان بەر . ١- مۆحسن سەی ئیبراهیم ئەژناسیا بە ژیروان مەهاباد ، ٢- ئەحمەد حەبەش ئەژناسیا بە دەلیل راشد خۆلکوو عەفرینی ، ٣ – سالار سۆفی ئەژناسیا بە سەربەست دڵنیا خۆلکوو سنەی . یەرەکە جە دما دێروو پەیامەکەیش سەرەراو سەرەوەشی پێ خانەوادە و کەس و کاروو ئا گریڵایا ، پەیمانش تازە کەردەنەوە و یاونانشا کە تا تۆڵە و هەڤالەکاشا وەقرە نەگێرا .