پەکەکە ئاخێز و مدرامانیا بە شکۆداری ژەنا .

پەکەکە ئاخێز و مدرامانیا بە شکۆداری ژەنا .

بەیاننامەو پلاتفۆرموو هۆرام-ی بە بۆنەو ٣٩ هۆمین سالرۆ ئەرەمەزنایرەو پەکەکەی :

:
ڕاوەبەری پلاتفۆرموو هۆرام-ی بە بۆنەو ٣٩ هۆمین سالرۆ ئەرەمەرزنایرەو پەکەکەی و دەس پەنە کەردەو ٤٠ هۆمین سالرۆ خەباتیش مۆبارەک بایی کەرۆ.
ویەردەو گەلەکەیما و هەر پاسە گەلە چێر دەسەکا جیهانی ویەردێوە تاڵ و پەر جە ناوەشی بیەن ، بە جۆرێ کە جە درێژەو هەزار سالی ویەردە تا ئارۆ فرەو ئا گەلە چێر دەسا بە بۆنەو بیەو سیستمێ بالادەست و مڵهۆریوە ، شناسنامە و هەر پاسە بیەییشا تاویانەوە . گەلوو کوردیچ پسۆ یۆ جە گەلە هەر کۆنەکا تا وەلێ سەر ورداو پەکەکەی ، تەنیا کەش و کۆ سەر بەرزەکا کوردستانی پارێزنابێ . پارێزنایە کە تەنیا جە روەو ئەژماریوە تاومێ وینمێش .
سەرورداوی پەکەکەی بە بنەما گێرتەو ویر و فکر و بەرێز ئۆجەڵانی وەرچەرخانێ تاریخیش پێ گەلوو کوردی بۆنیاد نیا . بە سەر هۆرداو پەکەکەی کەسایەتی ئازاد و ساحێب ڵێرەو گەلەکەیما جارێ تەر جە بەروو ویر و باوری داگیرکەراوە رێک وستەوە . ئاخێزێ کە جیاواز تەر جە گردوو ئا سەرو هۆردایا کە ئازادی ویر و فکری ، ژەنا و سەر بە وێ بیەیشا بە شۆن کەوتەو ناسیونالیستی کلاسیک یا دینی سیاسی چالی نیەبێنێ .
پەکەکە جە دماو چل سالا کۆشیای تابلۆیە پەر جە هیواو ئۆمێدش پێ ئازادی و یەکسانی ژەنا ، پارێزناو ژیوگەی ، پێوەرە ژیواو گەلا ، پارێزناو شناسنامە جیاوازەکا کۆمەڵگای نیشانە دا بە جۆرێ کە  ئارۆ بیەن بە ئالترناتیڤوو فرەو قەیرانە کۆمەڵایەتی ، سیاسی ، ئابووری و ئێکۆلۆژی پێ گەلە چێر دەسەکا و هەر پاسە رێکوزیایا ژیوگە پارێزی و ژەنا . شکۆداری ژەنا جە کۆشیاو پەکەکەینە ، گەلوو کوردیش جە فیگۆرێ هەرێمێ یاونا بە پێگێوە جیهانی پێ گردوو ئازادیوازا . بە جۆرێ کە ئارۆ بە سەدان رێکوزیە ئازادیوازێ بە کێژ ور گێرتەی جە خەباتوو پەکەکەی جە هەر چوار پارچەنە و هەر پاسە جیهانەنە وێشا رێک وستەن . ئاخێزوو رۆژئاوا و کوردستانی و هەر پاسە وێراوەبەری شەنگالی نموونەو وەرچەموو خەباتوو پەکەکەینێ ، کە بیەنێ یاگێ سەرنجەو یەکسان وازا و هەر پاسە گەلە چێر دەسەکا .
پسۆ پلاتفۆرموو هۆرام-ی دەس پەنەکەردەو ٤٠ هۆمین سالرۆ ئەرەمەرزنایرەو پەکەکەی جە گردوو خانەوادە و گیان سەردەسا ، رێبەر ئاپۆ ، زینانیا سیاسی ، گریلا و شەرڤانا و سەروو گردیوە گەلەکەیما مۆبارک بایی کەرمێ ، هیواما ئانەن کە بە ساحێبداری جە ونەو گیان سەردەسا و بنەما گێرتەی فەلسەفەو رێبەر ئاپۆی سەرکەوتەی دماو سەرکەوتەی پێ گەلەکەیما دەس وزمێ .

ڕاوەبەری پلاتفۆرموو هۆرام-ی
٢٥-١١-٢٠١٧