ڕاو شەهید بریتانێ ،رێکوستەو ژەنان پێ دما ئۆمای خەتوو خیانەتی .

ڕاو شەهید بریتانێ ،رێکوستەو ژەنان پێ دما ئۆمای خەتوو خیانەتی .

بە بۆنەو ٢٥ هۆمین سالرۆ شەهید کەردەو شەهید بریتانێ .
شکۆفە ژاوەرۆ .
گوڵناز کاراتاش جە ئەذا بیەو سالەو ١٩٧١ جە شاروو بنگۆڵ سەر بە دەرسیمی ئەژناسییە بە بریتان . پسۆ یۆ جە گریلاکا پەکەکەی کە ٢٥ سالێ چێوەڵتەر جە جەنگێ نابەرابەر وەرانوەروو چەکدارەکا رژیموو تورکیەی و پارتوو دیموکراتوو کوردستانی جە مەنتێقەو خواکۆرکی جە سالەو ١٩٩٢ سەرەراو ئانەی کە دۆرش گیریابێ و فیشەکێش نەمەنێبێنێ ، بە بێ ئانەی ویر جە وێ دەسەودای کەرۆ بە وستەیرە وێش جە کەشێوەنە چەمکێوە تەر جە راسینەوە تێکۆشانوو پەکەکەیش بەر وست . وەلێ چالاکیەکەو شەهید بریتانێ تەسلیم بیەی و وێدا دەسوو دۆژمەنیوە فرە جار پاساوێ بێ پێ ئانەی شۆرشگێر گیانش جە دەس نەذۆ . بەلام جە دماو چالاکیەکەو شەهید بریتانێ هەر نا کە تەسلیم بیەی رەد کریاوە ، تەسلیم بیەی جە دلێ پەکەکەینە پسۆ خیانەتی و هەر پاسە بێ لێرەیی ئەژناسیا .
بە جۆرێ کە جە دماو چالاکییە گیانبازیەکەو شەهید بریتانێ ، ڕابەر ئاپۆ پێسە ماچۆ . بریتانێ راسی مڵیتانەو پەکەکەینە ، پەکەکە گەردوونێن کە رۆ بە رۆ داستانێ بە نڕخش چەنە بەر گنا ، چالاکیەکەو بریتانێ ، پێ ئێمە دەرسێ تازەن ، دەرسێ کە تەسلیم بییە بە گرد مانایە جە وەرانوەروو نەیاراوە رەذ کەرۆوە ، وەختێ ئاستوو کۆشیای و ئەنەیاونای ژەنا کوردێ یاوابۆ ئی ئاستە مشۆم ژەنی بە بڕیارێ تاریخی وێشا پێ ئەرەمەرزنایرەو ئەرتەشێوە کە سەروو ڵێرەو وێشاوە رێک وزیۆ ، رێکوزا .
ئارۆ جە دماو ٢٥ سالا وینمێ کە جە سێبەرەو چالاکی شکۆداروو ژەنا کوردی بە سەدان رێکوزییە فکری ، چەکداری ، ئابووری و کۆمەڵایەتی و پەنەیاوناو ژەنا مەرزیەنێرە . کە نموونەو هەرە وەرچەمشا ، یەپەژە ، هەپەژە ، یەبەشە و ژەنا شەنگالی و یەژا ستار کە ئەرکوو پارێزناو گەل و نیشتمانیشا گێرتەن سەروو شانا . یاگێ وێشەنە کە جە روێ پسۆ ئارۆی کە جە پانیشتو کورسانینە جارێ تەر خەتوو خیانەتی دەس کەوتەکا گەل و نیشتمانیش حەراج کەردێ ، بە باوری بە گەلوو وێما درێژە دەرێ ڕاو شەهید بریتانێ بیمێ .