هەڵەبجە : مەراسموو پەرسەو گیان سەردەس باهۆز تۆڵەهەڵدان -ی لوا راوە .

هەڵەبجە : مەراسموو پەرسەو گیان سەردەس باهۆز تۆڵەهەڵدان -ی لوا راوە .

رۆ شەممەی ١٤ -١٠-٢٠١٧ بە بەشداری خانەوادە ، کەس و کار و هەر پاسە خۆلکی وەڵاتپارێزوو هەڵەبجەی و شاروو و دەگاکا هۆرامانی پەرسەو گیان سەردەس هەڤاڵ جافر حەمە خان ئەژناسیا بە باهۆز تۆڵەهەڵدان لوا راوە . هەڤاڵ جافر خان یۆ جە جوانە وەڵات وەشەویسەکا پانیشتوو کوردستانی بێ کە جە عەمروو جوانیشەنە یاگێوە تایبەتەش جە شکۆداری جوانا هۆرامانی و هەڵەبجەی پێ ویش دیاری کەردێ بێ . جوانێ کە زوو هەستش بە وەرەپەرسایەتی سیاسی و کۆمەڵایەتی کەرد ، بە جۆرێ کە جە دما ماوێوە هەرمانەو رێکوستەو جوانا ، عەشق بە ئازادی و کۆشیای پێش بی بە هۆ ئانەی کە بە جوانی بەشداروو ریزەکا گریلای بۆ . کە جە دماو ٧ سالا ئەرکوو پارێزناو وەڵاتی جە جەنگێ نابەرابەر چەنی هێزە فاشیستەکا رژیموو تورکیەی جە شەرناخەنە یاوا کاروانوو گیانسەردەسا . 

جە مەراسمەکەنە سەلام گۆڵپی سەروو نامێ خانەوادەو گیان سەردەس باهۆزی واتش ، ئینە یۆهومین شەهید و گۆڵپی پێ رزگاری گەل و نیشتمانی نیا و مەبۆ ، ئێمە پسۆ خانەوادەو شەهید باهۆزی شانازی پانەیە کەرمێ کە رۆڵەکەما جە ڕێوە گیانش بەخت کەردەن کە ئاواتوو فرەو نیشتمان وەشەویسا بیەن .
جە درێژەو مەراسمەکەینە ئەذا فەتێحە سەروو نامێ کۆمیتەو شەهیدا پەکەکەی یاوناش کە شەهید باهۆز ، تەنیا شەهیدوو خانەوادێوە نیا ، شەهیدو کورد و کوردستانیا . هەر پاسە پەیاموو ژەنا سەروو نامێ تەڤگەروو ئازادی وانیاوە . دکتور فایق گۆڵپی پسۆ مامۆزا شەهید باهۆزی واتش کە شەهید باهۆز جارێ تەر مۆراڵ و لێرە ئێمەش پێ دریژەداو راو شەهیدا ئازادی  کورد و کوردستانی بەرز کەردەوە و هیواما ئانەن کە چیڵوای زیاتەر تاومێ لایقق شەهیدەکاما بیمێ .

شەهید باهۆز بە ئەسڵ ..

نامێش : ھەڤاڵ جەعفەر حەمەخان
ئەژناسیا : باھۆز ھۆرامان
خۆلکوو : ھۆرامان – گوڵپ
جە ئادا بیەو : ١٩٩٣ خۆرمال
سالەو بەشدار بییەی : ٢٠٠٩
یاگێ شەھید بییەی : شەرناخ ١٧⁄٩⁄٢٠١٧
یاگێ پەرسەی : ھەڵەبجە  ١٤⁄١٠⁄٢٠١٧