پلاتفۆرموو هۆرام-ی : راسپاردەکا کۆنفرانسو هۆرامان ئەشناسی بە داواکاری وێما زانمێ.

پلاتفۆرموو هۆرام-ی : راسپاردەکا کۆنفرانسو هۆرامان ئەشناسی بە داواکاری وێما زانمێ.

پەیاموو دەسەو ڕاوەبەری پلاتفۆرموو هۆرام-ی بە بۆنەو کۆتا ئۆمای کۆنفرانسو هۆرامان ئەشناسی .

دەسەو ڕاوەبەری کۆنفرانسو هۆرامان ئەشناسی ، هەر پاسە کە ئاگادارێنمێ ماوەو چن مانگان کە بە گرد شێوە ، بە باورییە تەمام پێ خزمەت بە هۆرامی و هۆرامانی جە چوار چۆ نەتەوەی دیموکراتیکینە و هەر پاسە ڕاوەبەری سەر بە وێ هەنگامەتا پێ راوستەو کۆنفرانسەو هۆرامان ئەشناسی نیا . یاگێ وێشەنە کە وەشەویسی و سەربەرزیتا پسۆ خەلاتێ کەرمێ دیاری . زانمێ کە سەرەرا گردوو گرفتەکا کە بێنێ کۆڵتا نەذا و تاواتا گردوو ئا گرفتا بە پێوەر ویر کەردەیۆ و هەنگام نیای وزدێ لاوە . بە تایبەت یاگێ وێشەنە کە سپاسێ بێ پایان پێ ژەنا و جوانا کە شکۆداری وێشا بە وێبەخشانە نیشانە دا کیانمێ .

سەرەراو ئانەی کە سمینارکێتا پێ یۆهەمین جار هۆرامیەکێ پانیشتی ، وەرکەوتی و بەروو وەڵاتیش جەمێ کەردێوە ، تاواش بۆ بە کەپڕێوە پێ هیوا بەخشای بە واڵە و برا باجەلانیەکا ، زەنگەنەکا ، کاکەئیەکا ، شەبەکەکا و عەبدولحەمیدیەکا کە وێشا بە بەشێ نەبڕیا جە هۆرامان و هۆرامی مزانا . بەشداری هۆرامیەکا گرد لایە بە تایبەت پانیشتوو و وەرکەوتوو کوردسانی جارێتەر سەلمناش کە هۆرامان یەک هۆرامانو و کەس نمەتاوۆ بە مەرزە دەسکردەکا جە یۆیشا بڕۆ .  یاگێ شانازینە کە سیستموو هامسەرۆکی ، کۆمیناڵ بیەی ، یەکسانی رەنگدانەوەی تایبەتش بێ  ، هەر پاسە بە پەراوێز وستەی دەسەڵاتی جە ڕاوەبەری و دوور وستەیۆ ئەجندەکا بەروو  واستەکا خۆلکوو هۆرامانی پێ سەپناو وێشا سەروو کۆنفرانسەکێتا ، نیشانەتا دا کە ئیرادەو خۆلکی و خزمەتکەردەیتا جە گرد چیوە پێ مۆهم تەرا .

دماجار پسۆ دەسەو ڕاوەبەری پلاتفۆرموو هۆرام- ی سەرەراو دەس وەشی جە دەسەو ئامادەکاروو کۆنفرانسەکێ  و کۆنگرەی نەتوەیی کوردسانی ، سپاس ئا کەسا کەرمێ کە بە هەر شێوە یاری دەروو کۆنفرانسو هۆرامان ئەشناسی بیەنێ . هەر پاسە بە گردو هازەو توانا وێماوە جە بەشەکا ئابووری ، سیاسی ، دیپلۆماسی و فەرهەنگی جە دلێ و بەروو وەڵاتینە هام رێتا بیمێ پێ سەر وستەو ئا راسپاردا کە دەسنیشانێتا کەردێنێ . چوون ئا راسپاردا بە بەشێ جە واستەکا وێما زانمێ .  باورما ئانەن کە بە هام ویری و هەرمانکەردەی جە چوارچێوەو وێراوەبەردەی و باوری بە نەتەوەی دیموکراتیک تاومێ بە دیهێنەروو ئا ئاواتا بیمێ کە ماوێوە درێژا خۆلکوو هۆرامانی ئاواتشا پێ وازۆ . 

دەسەو ڕاوەبەری پلاتفۆرموو هۆرام- ی ٢٥-٤-٢٠١٧